Жекпе-жек түрлерінде төмен аэробты қуатты жаттықтыру жүктемесінің мәні
DOI:
https://doi.org/10.48114/2306-5540_2022_1_166Түйін сөздер:
аэробты жүктемелер, лактат, митохондриялар, жүйе құраушы фактор.Аннотация
Бұл мақалада жалпы даярлық немесе негізгі дайындық болып саналатын төмен аэробты
қуатты жаттықтыру жүктемесінің маңыздылығы талқыланады. Спорттағы Ғылыми зерттеу
институтының ұзақ уақыт бойы сынақ нәтижелері бойынша жекпе-жектегі құрама командалар
спортшыларының төмен аэробтық қуаттылығының физикалық жұмыс қабілеттілігі орташа немесе
төмен деп бағаланды. Спортшылардың арнайы жұмыс қабілетінің өсуі мен жетілдіруіне негіз болып
табылатын, спортшылардың осы қарқындағы дене жүктемелеріне бейімделу механизмдері туралы
ғылыми зерттеулердің нәтижелеріне талдау жүргізілді. Жаттығу жүктемелерінің қарқыны қуат көзінің
алмасуының деңгейімен сипатталады және оның нақты көрсеткіші қандағы лактат деңгейі болып
табылады. Энергия алмасуын ұстап тұру тек қимыл-қозғалыс функцияларды үйлестіруді ғана
емес, сонымен қатар ағзаның вегетативті жүйке жүйесінің қызметін де реттейді.
